29/04/2024 13:35
لمكافحة الجرائم الماسة بالمجال الغابوي.. البوليس والوكالة الوطنية للمياه والغابات دارو اليوم اليد فاليوم
كود سبور//
أكد مدرب منتخب كندا جون هيردمان، خصم المنتخب المغربي غدا الخميس فالجولة.الثالثة من كأس العالم قطر 2022، بلي المنتخب الوطني قوي وعندو لعابا مزيانين، وبإمكانيات كبيرة وعالمية.
وقال مدرب جون هيردمان فالندوة الصحافية اللي كتسبق ماتش المغرب وكندا: “المنتخب المغربي قوي وعالمي وعندو لعابا واعرين كيلعبو فبطولات كبيرة فحال أشرف حكيمي اللي ركيزة ديال هاد المنتخب، ونصير مزراوي ودفاعهم مزيان، وعندهم طريقة لعب زوينة”.
وكمل مدرب كندا كلامو على المغرب وقال: “تفرجت فالماتش ديال المغرب ضد بلجيكا راه عرفو كيفاش يربحو واستغلو الفرص اللي جاتهم باش يماركيو وخاصنا نردو منهم البال حيث عندهم إمكانيات واعرة فالهجوم”.
