كود سبور//

قربت تونس تودع كأس العالم قطر 2022، من الدور الأول من بعدما خسرات اليوم السبت، مع أستراليا الماتش الثاني فالبطولة عن المجموعة 4.

تونس خسرات الماتش بنتيجة 1 لزيرو، وقدرات أستراليا تماركي أستراليا البيت الوحيد فالماتش فالدقيقة 23، بواسطة ميشيل دوك، واخا حاولو التوانسة يرجعو فالماتش ماقدروش وسالا الماتش بواحد لزيرو.

المنتخب التونسي من بعد هاد الخسارة تأزمت الوضعية ديالو فالكروب 4، وبقات عندو غير نقطة وحدة وتعقدات عندو الأمور حيث قرب يودع البطولة وغادي يلعب الماتش الجاي ضد فرنسا بطلة العالم، أما أستراليا فنعشت حظوظها فالتأهل للدور الجاي وعندها 3 النقاط.