كود سبور//

تعرض فريق النادي القنيطري لحادث خطير قبل لحظات من هاد الليلة هو فالطريق باش يلعب ضد فريق اليوسفية  فماتش ديال قسم الهواة.

وحسب المعلومات الواردة حتى لدابا فالكار ديال النادي القنيطري تقلب حدى مدينة سيدي بنور والحادث خطير، ودخلات السلطات من درك ملكي ووقاية مدنية باش يعتقو المكونات ديال الفرقة من طاقم تقني وطبي ولعابا وهزو من عدد منهم للسبيطار  الإقليمي ديال سيدي بنور باش يعرفو الحالة الصحية ديالهم.

وكان فريق النادي القنيطري شاد الطريق لمدينة اليوسفية باش يلعب غدا السبت ضد فريق أولمبيك اليوسفية  فقسم الهواة.