كود ـ سبور//

حدد الاتحاد الإفريقي لكرة القدم موعد جديد لسحب قرعة ليكروب من دوري أبطال إفريقيا اللي مشارك فيها الوداد والرجاء ونفس الدور من كأس الكونفدرالية الإفريقية اللي مشارك فيها الجيش الملكي من بعدما كان أجلها بلا سبب.

الكاف خرج فبلاغ له وعلن بلي قرعة مرحلة المجموعات لدوري أبطال أفريقيا وكأس الاتحاد 2022-،2023 غادي تكون يوم الاثنين 12 ديسمبر 2022 فالعاصمة المصرية القاهرة.

القرعة غادي تبدا بكأس الكونفدرالية مع 12 د نهار مغربية ومن وراها دوري أبطال إفريقيا مع 1 د نهار ديال المغرب.

للإشارة فالوداد هو حامل لقب دوري أبطال إفريقيا وماغاديش يطيح مع الرجاء فنفس لكروب حيث بجوجهم فنفس النيفو، أما الجيش الملكي تأهل لكأس الكاف ومعول عليه الكرة المغربية باش يحافظ على اللقب المغربي من بعدما تقصات نهضة بركان اللي ربحت الكأس الموسم الماضي.