كود الرباط//

عينت الحكومة، اليوم الخميس، ابراهيم أوباها، رئيسا لمؤسسة الحسن الثاني للنهوض بالأعمال الاجتماعية لفائدة العاملين بالقطاع العمومي للصحة.

هاد المؤسسة لي عندها دور كبير فالوضعية الاجتماعية لموظفي قطاع الصحة، كانت عرفات خروقات كثيرة فعهد الرئيس السابق سعيد فكاك لي تعفا بقرار من وزير الصحة.

اللي تعين اليوم، كان كلفو ايت الطالب يشد المؤسسة بالنيابة، ومن خلال المدة لي تعطات ليه تمكن يقدم خدمات مهمة للموظفين، وجاب ليهم جوج اتفاقية،  الاولى مع مجموعة القرض الفلاحي لي غادي دير تسهيلات لموظفي الصحة باش يستقدو من قروض ديال السكن والاستهلاك وغيرها بسعر قليل، والاتفاقية الثانية مع السكك الحديدية.

الاتفاقية لي جاب اوباها،  غادي تمكن المنخرطين وأزواجهم وأبنائهم الذين تتراوح أعمارهم ما بين 4 و21 سنة، من تخفيض بنسبة 40%على ثمن التذكرة العمومي عبر القطار وعلى متن حافلات النقل الطرقي سوبراتور، تتحمل المؤسسة نسبة تتراوح ما بين 40% و25% من تخفيض التذكرة على أن يتحمل المكتب الوطني للسكك الحديدية النسبة الباقية من التخفيض تصل إلى 15%.

اللي تعين اليوم، فرح الموظفين فالصحة، محط ثقة ومعندوش مع الحسابات السياسية والنقابية، همو العمل الاجتماعي، وهادشي بان فالاتفاقيات لي دار.