عمر المزين – كود //
علمت “كَود” أن غرفة الجنايات الابتدائية المكلفة بالبث في الجرائم المالية بمحكمة الاستئناف بفاس، بدات اليوم الثلاثاء، تبث فالضوصي اللي متابع فيه “ا.م” الموظف بمحكمة الاستئناف بمدينة تازة بتهم مختلفة.
وحسب ما كشفات عنو مصادر “كَود”، فإن هاد الموظف كان تابعو قاضي التحقيق المكلف بالبث في جرائم الأموال فنفس المحكمة بـ”الرشوة والإخفاء العمدي لوثائق متعلقة بالسلطة العامة من شأنها عقاب مرتكب جناية وجنحتي النصب وإفشاء السر المهني”.
مصادر “كَود” كشفات بللي قاضي التحقيق بالغرفة الأولى، محمد الطوليب، قرر باش يتابع هاد الموظف أمام غرفة الجنايات الابتدائية برئاسة القاضي محمد اللحية، إذ قررت فالجلسة السابقة تأجيل هاد الملف استدعاء المشتكي ودفاعه ودفاع المتهم.
ومن المفاجآت ديال هاد الملف اللي كان تعين أول مرة أمام غرفة الجنايات الابتدائية ف26 أبريل الماضي هو أن هاد المتهم مشدود فشي قضية أخرى بالسجن المحلي ببركان.
