عمر المزين – كود //

كشفت والدة التلميذة القاصر “ميساء” التي أثارت قضيتها ضجة واسعة على مواقع التواصل الاجتماعي بعد حرمانها من الدراسة بسبب لباسها العادي واللي هو عبارة عن صاية مشات بها للمدرسة الخصوصية فين كتقرا فمدينة كازا.

وقالت والدة التلميذية، حسب ما كشف عن ذلك الحقوقي عمر أربيب على صفحته ب”فايسبوك”، أن لجنة من الأكاديمية الجهوية للتربية والتكوين بكازا مكونة من 4 أشخاص، ومن بينهم أخصائية نفسية دخلت على الخط، وتجاذبت الحديث مع ابنتها ميساء التي أعجبت بأخلاقها العالية.

وأكدت والدة التلميذة الضحية أن المؤسسة اعترفت بالواقعة، واعتبرته اللجنة خطأ تربوي يترتب عليه حالات نفسية للطفلة، وتدخلت بتسوية النزاع وقام المدير التربوي بمعانقة ابنتها والاعتذار لها، ووعدها بمواكبة مشوار ابنتها الدراسي.

قضية التلميذة “ميساء” مايكمكنش تدوز باردة سالمة. خاص اللي دار وساهم فهاد الفضيحة وأهان التلميذة بسباب لباسها، (خاص) يتحاسب ويتعاقب. حقاش كاينين بزاف ديال التلميذات كيوقع ليهم يوميا هادشي لكن كيخافو يتشكاو لعدد من الاعتبارات.

وزارة التربية الوطنية خاصها تتدخل ضد هاد العبث والاعتداء على الحريات الخاصة ديال التلميذات والتلاميذ، وبالتالي تدير حد لهاد الممارسات اللي كتشوه المؤسسات ديالنا وكتعطي صورة خايبة على البلاد كلها.