وكالات //

دار نجم هوليوود ويل سميث، بلاغ كيعتاذر فيه من بعد الصلية اللي جمعها مع الكوميدي كريس روك، اللي شد فمراتو جادا بينكيت اللي كانت باركة حداه فالحفلة الخاصة بجوائز الأوسكار، واللي قرعات شعرها حيت فيها التونية.

سميث قال “العنف بجميع أشكالو خايب. سلوكي فحفل توزيع جوائز الأوسكار البارح غير مقبول”.

View this post on Instagram

A post shared by Will Smith (@willsmith)

السؤال اللي مطروح دابا هو واش الاعتذار ديالو كافي؟

ويل سميث بين على العنف ديالو، وحتى الاعتذار ماقدموش ملي ربح الأوسكار وبقا نافخ.

وكانت أكاديمية فنون وعلوم الصور المتحركة عبرات على استنكارها الكبير من تصرف ويل سميث.

الأكاديمية كتبات في “تويت” أنها كترفض وماكتقبلش العنف مهما كان النوع ديالو، وأن الجوائز الهدف منها الاحتفال بالفائزين فلحظات ديال التقدير والاحترام.

The Academy does not condone violence of any form.

Tonight we are delighted to celebrate our 94th Academy Awards winners, who deserve this moment of recognition from their peers and movie lovers around the world.

— The Academy (@TheAcademy) March 28, 2022

وكشف بوليس لوس أنجلوس أن الكوميدي كريس روك رفض يحط بلانت عند البوليس، ولكن هوما كيبقاو رهن الإشارة إلى بغا المعني بالأمر يفتح تحقيق فالعنف اللي تعرض ليه.

في اللول الناس اللي كانو حاضرين يصحاب ليهم داكشي غير ضحك، لكن فاش رجع سميت لبلاصتو وغوت و وجه كلامو للفنان الكوميدي “خلي عليك مراتي وما تبقاش تجبدها على فمك الخايب”.. وفاش كلشي شاف كيفاش تعصب الممثل عاد فهمو باللي القضية راها معقولة وبللي التصرفيقة كانت مقصودة.