وفد من برلمان الصبليون وجزر البليار مشا لتندوف وابراهيم غالي كيسعى المساعدات الإنسانية من عندهم
كود الرباط //
قال المهدي بنسعيد، وزير الشباب والثقافة والتواصل، بأنه متعاطف مع الإخوة ميگري اللي مبغاوش يخوي من الدار اللي كاريين واخا كاين حكم قضائي ديال الإفراغ.
بنسعيد أوضح في تدوينة له على موقع “فايسبوك”: “استقبلت اليوم كل من محمود ويونس ميگري وذلك من أجل تدارس الحلول الممكنة للإشكالية التي طفت على سطح الإعلام مؤخرا”
وأضاف بنسعيد “عبرت للفنانين عن تعاطفي معهم، وعن استعدادي للبحث معهم عن حلول عملية تحترم حق جميع الأطراف.
وأشار بنعسيد إلى أن الوزارة تعمل بجد على إحداث مؤسسة الأعمال الإجتماعية للفنانين لتفادي مثل هذه الإشكاليات في المستقبل.
يذكر أن عائلة الاخوان ميكَري دايرة حالة هاد الأيام فالسوشل ميديا بسبب قرار قضائي فيه بللي خصهم يخويو الدار اللي كاريين فالوداية (الرباط) حيث باعتها مولاتها من 2009، وحيث عائلة ميگري مابغاوش يخرجو منها بعما وصلات القضية للمحكمة.
المحكمة أصدرت قرار بالإفراغ خصو يتنفذ، بحيث حضر رجل العون ديال المحكمة ينفذو مع رجال الأمن بتعليمات من النيابة العامة، هنا بدا الفيلم والبكا ديال الإخوان ميگري فاش مابغاوش يخرجو.
القصة بسيطة، الملف فالقضاء من 2010 تقريبا ودبا تحكم بحكم نهائي بالإفراغ وخاصو يتنفذ.
عائلة ميكَري دخلو سيدنا فهاد الملف وطالبين يتدخل.
دابا خاص مولات الدار تدعي هاد الزقزاق اللي دخل فقضية حسم فيها القضاء. الشعبوية الفارغة