عفراء علوي محمدي – كود //
سجلات جهة مراكش-آسفي، اليوم الجمعة، ثالث العيد، أعلى نسبة ديال الإصابات بفيروس كورونا المستجد، وفاتت بهادشي جهة كازا-سطات اللي مولفة كاتسجل أعلى نسبة إصابة فاليوم على الصعيد الوطني مؤخرا.
وتقاسو فـ جهة مراكش – آسفي فالمجموع 514، مقابل 492 تقاسو فكازا سطات.
وتوزعات الإصابات فمراكش آسفي كالتالي: 362 فمراكش، و81 فالصويرة، و38 فقلعة السراغنة، و29 فالرحامنة، و3 فشيشاوة، وإصابة وحدة فالحوز.
ومدينة مراكش اليوم سجلات اعلى نسبة ديال الوفيات بالمقارنة مع باقي المدن المغربية، بحيث ماتو فيها 4 فهذ 24 ساعة.
وهناك حديث على ظهور بؤر عائلية فمراكش، بالإضافة لبؤرة وبائية فالمستشفى الإقليمي، هوما اللي تسببو فارتفاع الإصابات إلى هاد المستوى.