وكالات //

كشفات الصحافة العالمية على قصة راجل فيتنامي في عمرو 41 سنة ملي تزاد وهو عايش في الغابة مع باه وخوه، وعمرو تلاقى فهاد المدة كامل مع شي بنادم آخر خصوصا العيالات، وما عندوش فكرة عليهم زائد أنه ماكايقدرش يميز “الاختلاف” اللي كاين ما بين الجنسين.

قصة “هو فان لانكَ Ho Van Lang” اللي لقبوه بـ”طرزان” بدات ملي هرب من نهاية حرب فيتنام في 1972، بعدما ماتت مو وخواتاتو وبقا في الغابة كياكل الحناش والديسير من الشجر مباشرة والعسل.

الفوتوكَراف ألفارو سيريزو، اللي تبع مسار هاد العائلة  في 2015،  قال أنهم في كل مرة كايشوفو الناس الآخرين في الغابة كايهربو، ولحد الآن ماكيفرقوش بين بزاف ديال الحوايج ومن بينها قيم الخير والشر.