الرئيسية > آش واقع > واش لجان توظيف بوريطة فالخارجية كاتوظف غير وليدات العاصمة وفين دستور 2011 واللامركزية والكفاءات والشعارات الرنانة
27/02/2021 12:30 آش واقع

واش لجان توظيف بوريطة فالخارجية كاتوظف غير وليدات العاصمة وفين دستور 2011 واللامركزية والكفاءات والشعارات الرنانة

واش لجان توظيف بوريطة  فالخارجية كاتوظف غير وليدات العاصمة وفين دستور 2011  واللامركزية والكفاءات والشعارات الرنانة

كود الرباط//

علمت “كود” ان لجان توظيف مستشاري الشؤون الخارجية  ف وزارة بوريطة أقصت عدة ملفات مواطنين من خارج الرباط من حقهم الدستوري  باش ادوزو الكونكور لي دايراه الوزارة و منهم حاصلون على ميزات ف التخصصات لي قالت الوزارة “أنها تتقلب عليها”.
ف هاد الإطار، حصلت “كود” من مصادرها الخاصة على نسخة لشكاية للوزير بوريطة ف الموضوع.
ومن متن هاد ريكلاماسيون لي تكتبات بالفرونسي تيبان ان ملابسات ما يبدو انه “مجزرة اجرائية و مسطرية جديدة” ف حق بعض ملفات المترشحين.

مول الشكاية قال ل الوزير بأنه” سبق ليه ترشح و نجح تا ف الشفوي هادي 3 سنين قبل ما يقاطع الكونكورات – لما قال انه رائحة الفن السابع فعملية التوظيفات لي تتبان تتخدم سلفا باش تمنح مناصب  لوليدات برمز البطاقة الوطنية د الرباط و ما جاوره, على حد ما خص به الجريدة حول سبب المقاطعة ف تلك الفترة-,  و زاد ف الشكاية, ان الملف المستبعد ديالو من ضمن ملفات خرى, ربما الوحيد لي تيتوفر على شواهد لغات من المركز البريطاني و الفرنسي, فضلا على دبلوم ماستر متحصل على أول نقطة في مجال الشراكة المغربية الاوروبية بجامعة محمد الخامس.


الطريف ف الملف حسب ما توصلت به كود من مصادرها الخاصة داخل الوزارة, ان المشتكي ساعد الموظفة ف الموارد البشرية لتجاوز هاد الورطة و اقترح عليها المراسلة الموازية للوزير لتبقى الامور ف اطار الشفافية,  لكن المترشح بعد قدومه  لايداع الريكلاماسيون المطلوبة من المسؤولة علما انها ادعت امس ان بطاقة الهوية مكايناش ف الملف و نورها بلي كاينة و باينة حتى من كل الوثائق,  و ملي جا الغد ليه, تعليل السيدة غينسى لاكارت ناسيونال لي قالت ليه و غاتقول ليه راه شهادة  خرى قديمة و نسات ان العام د 2020  ممحسوبش ف تقادم الشواهد و ان كانت أصلا الترخيصات الادارية تدخل ف اطار الوراق لي مكاتقادمش إداريا.
ورا هادشي تصالت “كود” ب مول الشكاية و قال لكود, ” لدوك الناس المخلين بالحس الاداري و الدستور و تعليمات خطاب العرش لسنة 2019 كنوجه الرسالة التالية:  بلامتمناوش إيجي داك نهار فاش تفتحو مراسلة و تلقاو ملفي مشفوع بتوصية و تعليمات  ولا إحالة خاصة من نافد من بئر قاسم و لا حي الرياض ولا صاحب فلان باش تخصو الملف ديالي بالعناية المطلوبة و بمنصب مالي بطريقة بلا شك تعرفونها اكثر مني, لان لم أرضى لنفسي هدا المستوى و لاني لم أقبل به منذ عقود فبالأحرى  أن أقبل به و أنا ربما في نهاية مسار مشاركة الاوكسجين مع صحاب هاد الممارسات د العهود الاقطاعية” و زاد ختم بالقول” لكن خدمتي للديبلوماسية و للوطن من موقعي, سواء داخل المغرب او خارجه, اكبر من ان تزعجها هاد الممارسات المؤسفة  و المخجلة للسياق و للدستور ” , حسب تعبيره.
دبا دخلنا عليكوم بالله واش هاد بوريطة ب هاد النوع د المسؤولين لي ما قاريينش تا حاجة ف الشكليات المسطرية و بهاد وليدات الرباط و الرمز لاول ف لاكارط لي تيروج انه تايوصيو عليهم ف الوزارة لي يتبع ليهوم واش ملف ديالهوم فيه نجمة الواليدة ف العرس, غاتنجاح الوزارة تطبق تعليمات سيدنا لاستقدام الكفاءات و باش إطلعو النيفو لربح التحديات?
و ثانيا واش مكيحشموش هاد ناس استبعدوا  مرشحين مغاربة على ود لاكارط و هما أصلا معندهومش الحق اناقشو  الهوية الا يوم الامتحان فاش كيتبتو من هوية المرشحين كيف كيدار ف ادارات كتعرف القانون و كتحترم راسها؟.

موضوعات أخرى

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية