كريم الشركي-كود///
علنات لانابيك فالمضيق الفنيدق، عن بدء تشغيل 700 مرا من النسا لي فقدو خدمتهم بعد اغلاق معابر سبتة، واللي ماعندهومش شي صنعة او دبلومات.
هاد النسا غاتخدمهم لانابيك فثلاثة دالشركات فقطاع النسيج، وحدة فتطوان والثانية فتطوان بارك، والثالثة فطنجة، زالشركة لي فتطوان بارك غاتخدم 300 مرا ولوخرين ايخدمو 200 لكل واحدة.
هاد العقود توقعوا منها اليوم 107، على اساس ايوصلوا لرقم 700 عقد موقع فوسط السيمانة، كما تم توفير النقل مجانا لهاد النسا باش يوصلهوم من الفنيدق للشركات لي غايخدمو فيها.