نجوى المالحي – كود //
شاركت الشطاحة مايا الدبيش على حسابها في انستكَرام ستوريات من زيارتها لمطعم باب المنصور في مدينة دبي ديال الشيف المغربية شوميشة.
مايا لي مسافرة في هاد الفترة للإمارات شاركت لقاءها مع شوميشة لي عطات ليها أطباق متنوعة من داكشي لي كتقدم في المطعم ديالها، وفي نفس الوقت شرحات ليها الطريقة لي كتعتمدها في بزاف ديال الوصفات منهم طبق “جوهرة” التقليدي.
شوميشة بدورها عبرات على الفرحة ديالها باستقبال مايا في المطعم ديالها، ووصفتها بالإنسانة الدواقة، وگلسات معاها طيلة الزيارة ديالها.
شوميشة ومايا بجوجهم مزابيات داكشي علاش محسوبات بنات نفس المنطقة او كيف كنقولو بالدارجة “بنات العم”.
