فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا
عفراء علوي محمدي- كود//
توفي قبل قليل التشكيلي المغربي المعروف محمد مليحي٬ 84 عام. التشكيلي كان تصاب بكورونا ودخل اليوم فغيبوبة من الاحد اللي فات.
الفنان التشكيلي الشهير كان فالعناية المركزة فمستشفى أمبرواز باري، اللي جات قريبة من العاصمة الفرنسية باريس.
وعانى الفنان التشكيلي من الفيروس لمدة، وتدهورات حالتو وخضع للتنفس الاصطناعي، قبل ما يدخل كومة.
وتزاد المليحي عام 1936 فأصيلة، ودخل مدرسة الفنون الجميلة في تطوان، وف1964 قرا النحت والتصوير فمدرسة الفنون الجميلة فكازا.
هاد الفنان طبع تاريخ الفنون التشكيلية بالمغرب. اسس مجلات وترأس جمعيات وكان مع محمد بنعيسى صحاب موسم اصيلة الشهير.
فنان عاشق للجمال عاشق للمرأة عاشق للحياة. حياتو لوحة فنية. اعمالو كلها كتعكس هاد العشق للجمال.