تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش
نجوى المالحي-كود//
سعد لمجرد لي كيف كنقولو “عارف منين كيتكال الكتف”، استغل الشهرة ديالو باش يدخل فلوس كثر ويبقى اسمو مشهور، واخا قضايا الاغتصاب لي مازال متابع فيها فرنسا.
لمجرد لي كاين حاليا في المغرب، بعد منع الحفل ديالو في مصر، كيوجد باش يخرج ماركة ديال الحوايج، بحال داكشي لي دار مسلم وسماه كباييرو.
سعد كشف على هادشي في حسابو في انستكَرام وقال أن الستور ديال الملابس الجديدة لي سماها SL Clothing غادي يخرج هاد الأيام، وهادشي علاش جا للمغرب وسافر لأكثر من مدينة مغربية خصوصا في الشمال.
وواخا معروف ان لمجرد مدخل فلوس صحيحة غير من الغنا، ولكن هو والفريق لي خدام معاه ديما كيديرو خطوات ذكية باش يحافظو على بلاصة المغني في السوق، وينوعو طرق ربح الفلوس.
واهم حاجة لا هو لا فريقو كيحاولو يمسحو تصويرة “المغتصب” لي غارق فيها سعد لمجرد حتى للوذنين.