نجوى المالحي-كود//
معروف على الموزع المغربي العالمي ريدوان أنه كيشتغل بذكاء في الساحة الفنية، وهادشي لي مخليه متوفق في الديومين، وكيدخل الملايين في أعمالو الفنية، وشاد الصف مع أغنياء الوسط الفني في العالم.
ريدوان مؤخرا دار عمل فني مع المغنية الإماراتية أحلام، روجو بيه لقرية سياحية في دبي، وربحو منو فلوس صحيحة حسب التبركيكة لي جابت “كود” من مصادر قريبة من ريدوان.
ريدوان كان سافر للإمارات قبل كورونا باش ينسق للعمل مع أحلام لي طارت بالفرحة مني عرفاتو غادي يخدم معاها، وهادشي كانت كتباتو على حسابها في أنستكَرام.