05/05/2024 16:15
حسنية أكادير: 15 مليون ديال الرجاء غير كذوب وحنا اللي خلصنا لاعبينا فبريمات الرباح على ليفار
عفراء علوي محمدي- كود//
تأسف سعيد أحميدوش، والي جهة كازا سطات، للوضعية الوبائية ديال فيروس كورونا اللي كتعرفها الجهة بشكل خاص، والمغرب بشكل عام، وشاف بللي الوضع خطير دابا، والحالة بالغة الصعوبة.
وقال أحميدوش، فندوة رقمية حول الوضعية الوبائية دالمغرب، بحضور وزير الصحة، قال بللي عدد المصابين فكازا فتزايد مستمر، اللي يقدر يوصل حتى ل400 حالة فاليوم، وهذشي مثير للقلق.
وقال الوالي أنه كاين تأخر فإخضاع مصابي كورونا للعلاج، بحيث فئة كبيرة منهم كيجيو فوضعية خطيرة بزاف.
وشاد احميدوش فالاستراتيجية الجديدة ديال وزارة الصحة اللي كتعمل على تتبع الحالات المشكوك فيها والمخالطين داخل مقرات العمل، بالاعتماد على طبيب مراقب أو صيدلي اللي كيتكلف بتسجيل الحالات المشتبه فيها ومراقبة حالات الاتصال، بالإضافة لمراقبة الوضا الصحي للعاملين.
