كريم الشركي-كود///
المجلس الوطني للصحافة دار تقرير على الصحافة ومداخيلها ومعاناتها، بناء على دراسة انجزها المجلس، وشملت منابر اعلامية والمطابع وسابريس، وفيدرالية الناشرين، وجمعية المعلنين.
الدراسة عطات ارقام كارثية على معاناة قطاع الصحافة بالمغرب، واللي وصلات لواحد الحد غير مسبوقا، خصوصا فالسنوات الثلاث الاخيرة، اللي تعمقات فيهم الازمة المادية فالمنابر الاعلامية.
وقال التقرير أن الخسائر اللي عرفها قطاع الاعلام فالاشهر الثلاثة الاخيرة، وصلات ل243 مليون درهم، اما الاشهار فقد انهار بنسبة 110 بالمائة في الفترة بين 18 مارس و 18 ماي، هادشي مقارنة مع نفس الفترة من السنة الماضية.
وبخصوص الصحافة الورقية فقال التقرير، أن مبيعاتها طاحت بشكل خيالي، ورجعات مكتفوتش مبيعاتها اليومية 200 الف نسخة يوميا هادشي بالنسبة لجميع العناوين، وزاد ان المشكل ماشي فالمبيعات ولكن فالقراءة المجانية فالأماكن العمومية بحال لقهاوي والمطاعم، وهاد القراءة المجانية كتكلف الصحافة الورقية 365 مليون درهم دالخسائر، وأن الدعم لي كتعطيه الدولة يالاه كيعوض الصحف في11 فالمائة من خسائرهم بسبب القراءة المجانية؛ وأكد التقرير أن مشكلة الصحافة الورقية مع مجانية القراءة، ماشي مع قلة القارئين.
الصحافة الالكترونية حتى هي واكلة الدق دبصح، حيث لا يتجاوز مجموع ما تحصل عليه من اشهار سنويا 120 مليون درهم من أصل 600 مليون درهم للاشهار عبر الانترنت لي كتاخذ حصة الاسد ديالها المواقع الكبرى، بحال فايسبوك ويوتوب وگوگل…