سعيد الشاوي كود الرباط ///

رئيس الحكومة ما عرفناه ديالنا ولا ديال قطر والاعلام ديال الاخوان والمحور التركي القطري. كلشي لمغاربة كيتسناو رفع الحجر. كلشي كينتاظر. صحف واذاعات مغربية تقدمات بطلب للحوار معاه. وهو فين مشى؟ فضل يعطي حوار صحافي لجريدة أجنبية ممعروفاش، وتابعة لقطر.

بنعرفة لي معندوش مع الاعلام الوطني والخرجات ديالو الفاشلة ف الاعلام العمومي دليل وما عندوش مع رئاسة الحكومة حتى هي، مشا عند القطريين باش يكذب عليهم ويقول ليهم باللي هو رئيس حكومة قاد بشغلو ورئاسة الحكومة عندها دور فهادشي ديال الجايحة.

هاد السيد اللي خدا رئاسة الحكومة وما يستحقها ما دار فيها والو٬ كشف على خطة خطة تخفيف إجراءات الحجر الصحي، وخاصة على المستوى الصحي والاقتصاد.

دبا لاش غايدير غذا عرض مع مجلس النواب حول الحجر الصحي، واش قطر افضل من البرلمان المغرب. ولاش اصلا هاد المجلس الحكومي اللي غادي يكون عشية.

الخطة لي عطا العثماني للموقع القطري فيها 4 مبادئ أولها التدرج، وذلك باعتماد إجراءات تخفيف عبر مراحل مصحوبة بتدابير مواكِبَة حسب تطور الوضعية الوبائية.

ويعتمد ثانيها على البعد الجغرافي والمحلي، لأخذ التفاوت الموجود في الوضعية الوبائية بين الأقاليم والعمالات (المحافظات) بعين الاعتبار، فيما يرتكز ثالث مبادئ تخفيف الحجر على المرونة وإمكانية المراجعة، وذلك بخضوع إجراءات تخفيف الحجر الصحي أو رفعه للمراقبة المستمرة.

و”عند بروز بؤر جديدة، أو ارتفاع في عدد الحالات، يمكن وقف تنفيذ بعضها على مستوى الأقاليم والمحافظات المصابة، تفادياً لتصاعد انتشار الفيروس والعودة إلى تدابير أكثر صرامة” وفق تعبير بنعرفة.

أما المبدأ الرابع، فيتجلى في التمييز الإيجابي، وذلك بتوفير حماية أكبر للفئات الهشة صحياً، مثل كبار السن الذين تزيد أعمارهم عن 65 عاماً، والأشخاص المصابين بأمراض مزمنة.

كاع المجهود لي دار سلفه عبد الاله بنكيران، رئيس الحكومة السابق ولي بعد عليه هاد الشبهات ديال “الارتباط” مع الاخوان المسلمين والانحياز لطرف ضد طرف في الخليج، ضربو بنعرفة ف زيرو، وكايبين بأن الاسلاميين فالمغرب موالين لقطر اعلاميا وسياسيا.

واش هادا مسؤول بعدا باش توصل بيه فاحتقارو للمغاربة حتى يمشي عند المتخلفين دقطر.