01/05/2024 04:00
معجزة باش بقا حي.. يوتوبر مشهور صور اللحظة لي طاح فيها من السما وها شنو وقع ليه (فيديو)
أسماء غربي – كود//
هاد الناس لي عندهم الملايين ديال المتابعين في مواقع التواصل، ولي خاصهم زعما يكونو قدوة لجمهورهم، كيديرو شي فعايل ماشي في محلها نهائيا. هادشي لي بين عليه المغني عمر بلمير لي عندو 4 مليون متابع في انستكَرام بعدما حط البارح ستوريات حاط الكمامة على عنقو، وملاقي مع صاحبو عثمان قدري وكَالسين يصورو في ستوريات بحالا ماكاين لا كورونا لا تباعد اجتماعي، لاحجر صحي، ولا حظر تجول بالليل.
عدم احترام القانون ماوقفش عند هاد الحد، عمر زاد تلاقا مع صاحبتو شادية أرسلان لي خاطبها عثمان وبداو كيصورو فيديوهات باش يحطوهم في تيك توك.
هاد المرحلة لي كنعيشوها كاملين حساسة، والا جا كل واحد يتلاقا مع صحابو، ويخرق حالة الطوارئ، الاصابات بكورونا غادي تزاد، وغادي نوليو في ازمة حقيقية داك الساعة.
الدولة والحكومة واغلبية الشعب دايرين جهدهم، وهاد الناس على قبل عدد المشاهدات وستوريات خارقين حالة الطوارئ، ودايرين مابغاو بحالا ماكاين قانون في البلاد.
