نجوى المالحي-كود//

الفَلوكر طه السولامي المشهور بـ”إيسو” وفا بكلمتو وبالتحدي لي قال أنه غادي يدير وحط البارح الكواليس ديال تحضير فيديو مصوب 100% بتلفون.

طه صور الفيديو ودار ليه المونطاج وكلشي بالتلفون باش يبين للناس لي متابعينو أن لي بغا يخدم ويحقق داكشي لي فراسو ممكن، وماشي ضروري خاصك بيسي ساوي 30 الف درهم.

الفيديو المدة ديالو 18 الدقيقة، وقال طه أنه دوز فيه سيمانة باش يقادو، وغادي يحطو هاد الأيام.

والرسالة لي بغا يدوز طه إيسو، هي أن في الحياة خاصنا نستمتعو بالحوايج البسيطة، ونعرفو اننا يمكن نحققو لي بغينا بوسائل بسيطة.