كود سبور//

محسن متولي ارجع للتداريب عن بعد مع فريقو الرجاء البيضاوي في الحجر المنزلي، بعدما برا من العملية الجراحية، اللي دار على المصرانة الزايدة.

متولي غادي يستناف التداريب غدا الاثنين بعدما حصل على ترخيص من الطاقم الطبي ديال الرجاء البيضاوي، وغادي تكون بشكل تدريجي حتى يسترجع كل إمكانياته التقنية والبدنية.د، ومن بعد غادي يدخل مع الگروب في التداريب عن بعد.

مصدر رجاوي أكد أن متولي غادي يدير كونترول قبل ما يرجع رسميا للتداريب من أجل تفادي أي طاريء، ومن بعد غادي يحدد ليه الطاقم التقني برنامج خاص.

متولي يعد أحد الركائز الأساسية، اللي كايراهن عليها الرجاء البيضاوي للمنافسة على لقب دوري ابطال افريقيا وكأس محمد السادس للأندية الأبطال.