28/04/2024 16:30
النصيري داير بلاصتو مع نجوم الكرة فأوروبا. جا من بعد كين وأسيمين فقائمة أفضل لي ماركاو بالراس
كود كازا ///
كشفت وزيرة خارجية الصبليون ارانشا گونزاليس فتويت نشراتو هاد الليلة الاحد 23 فبراير 2020 ان ناصر بوريطة وزير خارجية المغرب اتصل بيها بعد لقاء دارو بمدريد كاتب الدولة الإسباني للحقوق الاجتماعية، ناتشو آلفاريز =من بوديموس عن اليسار الراديكالي= مع القيادية فالبوليساريو اللي كتسمي راسها وزيرة للشؤون الاجتماعي سويلمة بيروك.
وفق التدوينة فان الوزيرة كشفت ان ما نشر من مقالات ما كيعكسش موقف الحكومة الاسبانية من “الصحراء الغربية” وبللي هاد الموقف ما تغيرش مع الحكومة الحالية.
كما شددت زعيمة الديبلوماسية بحكومة سانشيز على ان اسبانيا لا تعترف بالجمهورية العربية الصحراوية وان مدريد تدعم جهود الامين العام للامم المتحدة للتوصل الى حل سلمي وفق مقررات مجلس الامن الدولي.
وكان سانشيز الاشتراكي دار تحالف مع بوديموس من اليسار الراديكالي باش يشكل حكومة. طبعا هاد بوديموس ديما كيدعمو البوليساريو.
هاد لشي علاش قالت سويلمة باللي ناقشات مع الوزير الصبليوني “القضايا ذات الاهتمام المشترك” وباللي تم “استعراض حالة التعاون بين الوزارتين”
وكشفت ان الوزير الاسباني اكد ليها “الالتزام بمواصلة التعاون فيما يخص مساعدة الأشخاص من ذوي الاحتياجات الخاصة وفيما يخص التضامن مع الشعب الصحراوي”.
دابا وزير كيقول كيضامن مع الشعب الصحراوي ووزيرة الخارجية الديبلوماسية قالت هدرة اخرى.
