كود سبور//

نصير مزراوي، لاعب أجاكس امستردام والمنتخب الوطني عندو ضربة خايبة، بعدما تصاب فالماتش ديال شبان أجاكس كونتر ناك بريدا.

مزراوي فقد الرسمية مع الفريق الأول مشحال هادي، هداكشي اللي خلاه يلعب مع فريق الشبان، باش يرجع إمكانياته البدنية.
تقارير طبية هولندية أكدت باللي مزراوي تعرض لضربة خايبة فالكاحل ربما غادي يغيب مدة طويلة.

ومن المنتظر أن يخضع مزراوي لمزيد من الفحوصات الطبية باش تعرف المدة اللي غادي يحبس فيها على لونتريمو.

وإضافة إلى إصابته يجد اللاعب المغربي منافسة قوية من الأمريكي سيرجينو ديست، اللي طار ليه بالبلاصة.

ما شي بعيد يغيب نصير مزراوي عن الماتش ديال المنتخب الوطني وإفريقيا الوسطى فمارس المقبل، ضمن الجولة الثالثة من التصفيات الإفريقية، المؤهلة إلى كأس إفريقيا للأمم بالكامرون، إلا ما براش مزيان.