04/05/2024 13:00
الفيفا حددو موعد قرعة مونديال الفوتسال “أوزباكستان2024” بمشاركة المغرب بطل إفريقيا والثامن فالعالم
كود كازا//
مع بداية العام السنة ديال 2020. شرعت عدد من الحفالات في العمل بمختلف المناطق الحضرية التابعة للعاصمة الاقتصادية كازا. هاد الطوبيسات تابعين لشركة “ألزا” وتم تسخريهم بناء على عقد بين مسؤولي الشركة الإسبانية وعمدة المدينة.
هنا كولشي باين مزيان. لكن لفضيحة لكبيرة اللي معارفها حتى شي حد أو منتباه ليه حد بين البيضاويين وحتى الناس ديال الجماعة ومختلف المتدخلين هي أن الطوبيسات ديال “ألزا” اللّي دخلو مع بداية هاد السنة جايين من مدينة خريبكة.
ووفق ما كشفت عنه مصادر خاصة، لـ”كود”، فإن هاد الطوبيسات كما يظهر في عدد من لوحات تقرمهم جايين من مدينة خريبكة، وكان المكتب الشريف للفوسفاط شراهوم لدعم النقل الحضري بعاصمة الفوسفاط ومساعدة الساكنة هناك مع أزمة النقل، لكن شركة “ألزا” مشات جابتهوم لكازا على أساس أنهم طوبيسات جداد، ودبا كتخدمهوم باش تاخد أرباح خاصة على ظهر كزاوة.
