كود سبور//

فريق الوداد البيضاوي جاب اللي غادي يعوض أيوب الكعبي فقلب الهجوم، الأمر يتعلق باللاعب جويل مادوندو من إف سي يونايتد بوصوگا الأوغندي.

سيباستيان دوسابر، المدرب السابق للوداد البيضاوي وبيراميدز المصري كان ورا هاد الصفقة المرتقبة.

اللاعب مادوندو وصل لكازا، وما شي بعيد يتعاقد معاه سعيد الناصري، رئيس الوداد البيضاوي من بعد الماتش ديال نهضة الزمامرة، خصوصا بعد فشل المفاوضات مع لاعب اوغندي اخر، وهو ألان اكويلو مهاجم كامبالا سيتي.

واللاعب جويل مادوندو البالغ من العمر 21 عام، جا باش يعوض ايوب الكعبي، لي ارجع لفرقتو فالصين بعدما سالات مهمة اعارتو للوداد.

وسبق للوداد البيضاء التعاقد مع 5 ديال اللعابة جداد، وهم يحيى عطية الله، اللاعب السابق لأولمبيك آسفي، والكونغولي كازادي كاسونغو، ومحمد رحيم وعيسى سيودي، من شباب المحمدية، وسفيان كركاش من نهضة بركان، ويوسف شينة، من يوسفية برشيد.