وزيرة الفلاحة: القطيع الموجه للعيد الكبير صحتو بيخير ورقمنا دبا 3 مليون راس والثمن هاد العام غاينقص
كود سعيد الشاوي ///
افادت صحف دولية ان رئيس مجلس إدارة شركة “نيسان بوجو” السابق كارلوس غصن دخل إلى مطار بيروت. هاد القضية مثيرة وبزاف. السيد وصل عبر دجيت بريفي من تركيا. صحيفة “ليزيكو الفرنسية قالت انها تأكدت من دخولو للبنان.
دابا واش خرج باذن قضائي ولا اللا هادا هو السؤال. اللي اكيد ان الحراسة فاليابان كانت صارمة. كانت تحت المراقبة القضائية. حتى مراتو كانت ممنوع تقتارب منو.
الجريدة الفرنسية تحدثت عن امكانية ترخيص سلطات اليابان القضائية لخروجه بسبب الالعاب الاولمبية. خايفين على الصداع.
رئيس مجلس ادارة “نيسان بوجو” كان تشد فاليابان قبل عام تقريبا. دوز اكثر من 3 اشهر تقريبا بكفالة وتفرضات عليه الاقامة الجبرية. غادي يتحاكم ف21 ابريل العام الجاي.
هاد الرئيس المدير العام هو اللي كان جاب استثمارات بوجو للمغرب. الغريب انو مشى لليابان باش شدوه من المغرب. كان دوز نويل فمرزوكة مع عائلتو واصدقاء مغاربة.