نجوى المالحي-كود//

الطوندونس المغربي في يوتوب تبدل هاد السيمانة ومابقاوش فيديوهات “روتيني اليومي” شادين البلايص الأولى، وكاين حاليا تنافس كبير بين المغنيين.

البلاصة الأولى شادها الرابور مسلم بأغنيتو الجديدة “caballero” بمليون و800 ألف مشاهدة، تابعو الدوزي بالتوزيع الجديد ديال أغنية قديمة ديالو في عمرها 20 عام سميتها “لوكان جا قلبك كما قلبي” بجوج مليون و100 ألف مشاهدة ، وفي البلاصة الثالثة كاين ولد الكَرية بأغنيتو “مشية بلا رجعة” بنص مليون مشاهدة في نهار.

وكاين في الترتيب 10 ديال الفيديوهات الأكثر مشاهدة في المغرب فيديو كليب الرابور “البنج” والرابور الجزائري “بالتي”.