كود سبور//
زوران مانولوفيتش، مدرب الوداد البيضاوي أكد أنه على دراية تامة بصعوبة الماتش، لي غادي يجمع القريق الأحمر بصان داونز الجنوب الإفريقي نهار السبت الجاي بملعب مركب محمد الخامس فالدار البيضاء برسم الجولة الثانية من مسابقة دوري أبطال إفريقيا.
وأكد مانولوفيتش أن الوداد غادي يحاول يربح هاد الماتش، خصوصا بعد التعادل أمام الاتحاد العاصمة الجزائري بواحد لواحد.
مانولوفيتش قال في تصريحات صحافية، إنه ما غاديش يغير التشكيلة، لي اعتمدها في الماتش الأخير رغم وجود بعض الغيابات بحال زهير المترجي، ويقدر يغيب إسماعيل الحداد بسبب الإصابة.
ورغم أن الوداد تفوق على صان داونز في أغلب الماتشات في دوري ابطال افريقيا، إلا أن مانولوفيتش كيعتبر مباراة ديال النهار السبت صعيبة بزاف، وخاص التعامل معاها يكون بجدية، باش يربح الوداد.
