كود سبور//

حسنية أكادير غادي يلعب نهائي كأس العرش كونتر الاتحاد البيضاوي، بعدما ربح المغرب التطواني بثلاثة لزيرو اليوم الأحد بملعب مراكش في النصف الثاني النهائي.

الفريق السوسي، اللي كان مساند من طرف جمهور كبير، كان افضل من المغرب التطواني ف هاد الماتش، ونجح باش يماركي مبكرا من بيلانتي سجلو سفيان بوفتيني في الدقيقة 11، وزاد اللاعب الفلسطيني تامر صيام الهدف الثاني.
بوفتيني كان حضورو قوي ماركا الثالث في الوقت بدل الضائع من ضربة جزاء، وهو البيت الثاني بالنسبة ليه فهاد الماتش.

“الفار” تقنية الحكم المساعد كانت عندو كلمتو، بعدما تدخل وطالب بإعادة تنفيد بيلانتي الأول، لحقاش الحارس رضا بوناگة تحرك وخرج شوية قبل ما تسدد الكرة، الشي لي خلا الحكم عبد العزيز المسلك يعطيه الصفرا الثانية ويطردو.
اللعابة ديال تطوان احتجوا ولكن الحكم كان واثق من قراره.

حسنية أكادير غادي يواجه الاتحاد البيضاوي، اللي ربح الدفاع الحسني الحديدي بواحد لزيرو البارح السبت، في نهائي كاس العرش ف 18 نونبر الجاري بالملعب الشرفي بوجدة.