مصطفى الشاذلي – كود سبور//

يبدو أن عبد الرزاق حمد الله، مهاجم النصر السعودي ما زال خالق روينة فالمنتخب المغربي منذ مغادرته تجمع الرباط قبل كأس إفريقيا بمصر.

بعد تبادل الاتهامات بينه وبين يونس بلهندة وما أثار ذلك من ردود أفعال متباينة، خرج المدرب وحيد خاليلوزيتش عن صمته وصرح، بلي حمد الله ما بغاش يجي للمنتخب. لكن هادشي رد عليه حمد الله بتصريح كذب فيه المدرب البوسني، الشي لي دفع المدرب المساعد مصطفى حجي يتدخل ويرد على كذلك حمد الله وطحنا في مسلسل ما غاديش يسالي.

شكون المسؤول على هاد الروينة? لي مسؤول عليها بالدرجة الأولى هي الجامعة لي فشلات تسد هاد الملف بطريقتها وخاصنا تلقا الحل في أسرع وقت ممكن، حمد الله منين مشى من الكونصونتراسيو ارتكب خطأ كبير، ومن بعد ارجع كيلعب دور الضحية.

الجمهور ارجع طرف في هاد القضية واخا بلاصتو هي المدرجات يشجع ويدعم، البارح حاصر هاد الجمهور المدرب خاليلوزيتش في الكار ديال المنتخب الوطني وطالب بعودة حمد الله.

وأظهر شريط فيديو مشجعين فمواقع التواصل الاجتماعي تدعو وتصبح في وجه خاليلوزيتش “وا الشيباني .. بغينا حمد الله .. حمد الله حمد الله”.

هاد الموقف استفز المدرب خاليلوزيتش حسب مقربين منه، لأن موضوع حمد الله تعطالو أكثر من حجمو.