نجوى المالحي-كود//
الرابور المغربي كريم خربوش لي مشهور بـ”فرانش مونتانا” وعندو الجنسية الميريكانية ديما شاد راس السوق في الطوندونس بأي أغنية دار. ونهار الخميس خرج أغنية مع “Agnez mo” وفي ساعات قليلة ولات هي اللولة في الأغاني الأكثر استماعا في “آيتونز”.
الأغنية شدات البلاصة الاولى في تصنيف الهيب هوب والراب، في المقابل المشاهدات ديال الأغنية في اليوتوب مفاتش 180 ألف في 17 ساعة لكن الأغنية تجاريا محركة مزيان.
وحاليا الكازاوي الودادي موجود في كاليفورنيا تحديدا في ماليبو وناشط وفرحان بالنجاح ديال الاغنية، ودار فيديو مع المغنية انييس مو لي عندها 18 مليون متابع في انستكَرام كيشطحو وكل واحد فيهم كيبين المجوهرات والألماس لي لابس في عنقو.
