29/04/2024 14:47
تفاصيل كادو الحكومة لملايين الأسر المغربية قبل فاتح ماي: تخفيض الضريبة على الدخل غاتربحهم 400 درهم شهريا والزيادة فالصالير والرفع من السميگ والسماگ
كود هناء ابو علي ////
اوقفت السلطات المصرية بمطار القاهرة الدولي ول البارح الثلاث 9 يوليوز 2019 صحافي مغربي كان كيغطي “الكان”. وفق المعني بالامر اللي ما بغاناش نكشفو على اسمو٬ فانه غير قرب للبوليس باش يطبع الباسبور وهو يطلب منو البوليس يمشي معاهم.
قالو ليه شي مغربي اسمو عادل الرحموني حتى هو كان عندو بادج صحافي فهاد الكان قدم شكاية قال فيها بللي “كود” كتسب السيسي ونعتاتو بالانقلابي وباللي كان عندو دور فوفاة محمد مرسي. هاد الشي طبعا غير ظاهريا وصافي. المصيبة علاش شدو هاد السيد اصلا. وفق تحقيقات الامن فان الرحموني٬ هاداك اللي كان كيشكر التنظيم الكارثي لمصر للكان فالبلاطوات ويمجد نظام السيسي القمعي٬ اعتقد ان هاد الصحافي يشتغل مع “كود” متعاونا.
المهم البوليس بعد ساعة من التحقيق فالمطار فهمو باللي هاداك خينا كذب عليهم. السيد ما عندو علاقة ب”كود” وماشي صحافي فيها.
دابا هاد نظام السيسي باغي يعتاقل اي شخص عندو علاقة ب”كود” لاننا كتبنا على رئيسهم غير شوية قليل من اللي كيكتبوه فصحف اجنبية واللي كيخرج فتقارير حقوقية دولية.
هاد الشي راه بغى يعتاقل صحافيين ديال “كود” مع الكان اللي الكاميرات شاعلات مع تنظيم الكان. اش كان ممكن يدير كون حصل الواحد بعيد على الاضواء.
