كود هناء ابو علي ///
بيان قصير ولكن غادي يوقف كاع المتملقين او اللي كانو باغيين يديرو لفلوس على ظهر الذكرى 20 لوصول الملك محمد السادس للعرش هاد الصيف. فقد اوضح بيان للقصور والتشريفات والاوسمة ان “الاحتفالات بالذكرى العشرين لتربع صاحب الجلالة الملك محمد السادس، نصره الله، على عرش أسلافه المنعمين، ستتم وفق العادات والتقاليد الجاري بها العمل، وذلك على غرار السنوات السابقة. وبناء عليه، فإن مختلف المؤسسات والهيآت والفعاليات الوطنية مدعوة لتخليد هذه المناسبة السعيدة بطريقة عادية، ودون أي مظاهر إضافية أو خاصة”.
دابا كثار ناضو كيوجدو مشاريع وكاين اللي نفذوها وفكاع القطاعات. دابا عزيز داكي مول 360 ظاهريا واللي قال لفترة طويلة فجلساتو الخاصة عبارة “مون باطرون” لمحمد منير الماجيدي مدير الكتابة الخاصة لمحمد السادس دار اعلان باللي غادي ينظم “اتوليي 21” من 25 يونيو الى 31 يوليوز معرضا جماعيا فيه 21 فنان بمناسبة الذكري 20 وفيهم فنانين معروفين. هادو حقاش هو سمسار فالفن غير يسمعو الملك اكيد يديرو لوحة فنية بالمناسبة. كيتمعشو ببيع بعض اعمالهم للقصر وفيهم اللي باغيين يبانو. بيان هاد الرواق قال باللي محمد السادس عاشق للفن. لفضيحة بتصرف طائش ديال هاد الداكي اللي طلع مرة اخرى ماشي ذكي ان فيه اساءة للفن اساءة للتشكيل المغربي. وحدين بحال الشفاج وبلامين وبوجمعاوي وبوشتى الحياني وصفاء الرواس ومليي والحسين ميلودي ويامو حشومة يقبلو بحال هاد المشاركة.
دابا هاد البيان ضرب ليهم كلشي فالزيرو. ممنوع على الداكي مول لاتولي مع عايشة عمور يستاغلو المناسبة اللي بيها دارو هاد الفنانة لوحاتهم. ايلى وقع شي خرق وبقا كاتب كيف البيان اللي نشرو للصحافة٬ فهاد الشي راها فضيحة للي مخدمينو ماشي للداكي.
بعداك دوك اللوحات اللي دارو خايبين ساؤوا للذكرى وللفنانين.
وشوفو كيفاش كيتساغل هاد الحدث فهاد البيان:
