كود هناء ابو علي ////

وفق مجلة “ايكوني وانتروبريز” لهاد الشهر فان زيارة جاريك كوشنير مستشار الرئيس الامريكي القوي ونسيبو شرف عليها رجل الاعمال الوزير المنتدب في الشؤون الافريقية محسن الجزولي. وفق المجلة فان الجزولي كان خدم مستشار لرجل اعمال اميركي يهودي الديانة من نفس دائرة كوشنير. طبعا هاد الشي الوزير هو اللي سربو. بغى يبان داير خير فالمغرب وملك المغرب. شوفو على غباء كيف داير.

وفق مصدر “كود” فان كوشنير طلب قبل من هاد الشي باش يجي للمغرب والملك ما كانش مستعد يشوفو. يعني ماشي اول مرة. ثانيا هاد الشي جا فاطار قضية فلسطين اللي المغرب لعب فيها دور كبير خاصة فقضية السلام. راه المغرب بشهادة اسرائيل فين دار وتوجد كامب ديفيد. يجي الجزولي يقول راه جاب كوشنير.

هاد المستشار ما جاش على قضية صفقة القرن. سالى من المغرب مشى للادرن للي بجوج عندهم موقف رافض من الصفقة وهاد الشي كيفسر علاش سالى من عندنا طار للاردن.

الجزولي مشى لرحبة الزعتر وبغى يعطس. راه متخلف بزاف. ماشي حضر للمقبرة العبرية وكان مرافق بليد غادي ينوض يقول باللي انا سباب المجية ديال راجل بنت ترامب