الرئيسية > آش واقع > ها شكون وجد لفطور كوشنير اقوى مستشار لترامب مع محمد السادس. يهودي راديكالي ومدافع شرس على المغرب والصحرا تقدر تكون ثمن الدفاع على صفقة القرن
29/05/2019 17:30 آش واقع

ها شكون وجد لفطور كوشنير اقوى مستشار لترامب مع محمد السادس. يهودي راديكالي ومدافع شرس على المغرب والصحرا تقدر تكون ثمن الدفاع على صفقة القرن

ها شكون وجد لفطور كوشنير اقوى مستشار لترامب مع محمد السادس. يهودي راديكالي ومدافع شرس على المغرب والصحرا تقدر تكون ثمن الدفاع على صفقة القرن

كود احمد الطيب ///

قبل شي 8 اشهر زار المغرب وفد اميركي فيه اليوت ابرامز اللي كان غادي يكون وزير خارجية ترامب. تلاقى مع ناصر بوريطة وزير الخارجية =الصورة= واكيد الزيارة كانت بخصوص صفقة القرن على الشرق الاوسط الكبير اللي فيها القضاء نهائيا على دولتين اسرائيل وفلسطين وفيه غير دولة وحدة بحال اللي مفروض دابا على ارض الواقع .

اليوت هادا من رجالات الادارة الامريكية القوية. محسوب على المحافظين الجدد. كان من المجموعة اليهودية اللي جمعها السيناتور الامريكي هنري سكوب جاكسون. انضم لادارة الرئيس الاسبق ريغان وشرف على الوكالة المكلفة بالكشف عن الاهداف اللي خدمات مع المخابرات المركزية الامريكية. هاد السيد من اكبر المدافعين عن المغرب ومن اليهود الراديكاليين المدافعين بشدة على اسرائيل.

اسرائيل والدفاع عن اليهود فالعالم هو اللي كيجمعو مع نسيب ترامب واقوى مستشار ليه جاريد كوشنير. قبلو هو كيعرف اب هاد المستشار بزاف.

زيارة جاريد للمغرب وجد ليها اليوت ابرامز اللي مكلف الان بملف فينزويلا وهو من اكبر المدافعين على فكرة الحرب ضد ايران.

اليوت دافع كثير علي المغرب فملف الصحرا. هو اللي كيشكل بلوك ضد مستشار الامن القومي دجون بولتون اللي كيدافع على البوليساريو. طبعا باش يجي جاريد يفطر مع الملك ومع مستشارو فؤاد عالي الهمة بحضور ولي العهد ووزير الخارجية والتعاون غادي يكون باش يدافع علي مشروعو وكيقلب ليه على الدعم فبلاد خدات موقف منو. المغرب كان استقبل ملك الاردن اللي حتى هو رافضو. بجوجهم عندهم نفس الموقف على عكس السعودية والامارات العربية المتحدة اكبر داعميه.

المغرب واخا هاكاك راه عندو ورقة يقدر يلعب بيها. ماشي غير حقاش الملك رئيس لجنة القدس بل حقاش كاين دور تاريخي لعبو المغرب فهاد القضية.

ايلي قدم المستشار القوي ونسيب ترامب شي عرض للمغرب يكون مزيان فيه قضية الصحرا ممكن للرباط تاخد موقف اخر من “صفقة القرن”. مواقفة دولة بحال المغرب مهم لانجاح صفقة بزاف رافضينها واولهم الفلسطينيون المعنيون بالقضية٬ غير هي القضية ماشي ساهلة على دولة غير مؤثرة فالعلاقات الدولية بحال الرباط. ممكن تخلص الثمن غالي بزاف ايلى خدات القرار الخطأ. ترامب يقدر يمشي فحالو ويقدر يربح الانتخابات. صفقة القرن حتى فاوربا رافضينو. وضع صعيب خاصو الابداع. خاصو ديبلوماسيين مبدعين.

موضوعات أخرى

29/03/2024 09:55

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟