كود يونس أفطيط///
‏[email protected]

صحيفة “ال كونفيدينسيال” الاسبانية، دارت واحد التخربيقة لجهلها بالاعراف الملكية بالمغرب وللعقلية المغربية، وقالت أن شقيقة الملك الأميرة للا مريم هي لي رجعات السيدة الأولى.

الجريدة قالت أن زيارة الاسرة الملكية الاسبانية لبارح للرباط هي لي بينات هادشي، واستدلت على الزيارة لي دارت ملكة إسبانيا ليتيثيا مع الاميرة للا مريم لمدرسة الفرصة الثانية فسلا.

وقالت الصحيفة أن هاد النشاط ماحضرتش ليه حتى شي حد من العائلة الملكية المغربية، من غير للا مريم لي رافقات الملكية، وهذا بالنسبة ليهم هو الدليل على أنها السيدة الاولى الان فالمغرب.

لي ماعارفينوش الاسبان، أنه فالمغرب ماكاينش ملكة، وماكاينش سيدة أولى، كيف كاينة فامريكا ودول اخرى. لكن بحال ديما الاسبان خاصهوم يبينو للعالم أنهم أكثر العارفين بالمغرب، حتى أكثر من المغاربة. ثم لالة مريم مشات مع الملكة هاد الشي كيدار وكان كيدار وديما كيدار. ملكة او اميرة كتمشي معاها اميرة. ممكن لالة مريم وممكن تكون لالة حسناء.