وضعية سوق الشغل فبلادنا مزال كتعاني من آثار الجفاف.. ها شحال من منصب شغل فقدنا وقطاع الفلاحة مشا ليه 206 ألف منصب
يونس أفطيط – كود///
فريق البام فمجلس المستشارين، دخل على خط الازمة ديال اعتقال مهاجرين فميناء بني أنصار، بعد إحتجاجهم على شركة النقل البحري، وعلى قبطان السفينة لي وصفهوم بكلمات قدحية وعنصرية.
السؤال ديال اعتقال ستة دالمحتجين من بين 20 لي تجبدوا فالمحضر، توجه لوزارة عندها مع الحفلات والندوات، أما ما يهم الجالية بشكل مباشر فهي بعيدة عليه، وأصلا وزارة بحال هاديك أو مجلس الجالية غير كياكلو فلوس الشعب فالميزانية بلا مايعطيو أي نتيجة، أو يقدمو شي حاجة للجالية لي عندها الكثير من المشاكل سواء فبلدان الاقامة، أو فالمغرب.
والمشكلة دابا ديال هاد المهاجرين الستة أنها احتجو إلى جانب مهاجربن اخرين، وكيقول الاتحاد المغربي للشغل فرع الناظور، أن الاعتقال ديال هاد الستة وايداعهم الحزب، تم بناء على توجههم النقابي، فيما لم يتم اعتقال 14 مهتجر آخرا ورد ذكرهم في المحاضر.