كود مصطفى الشاذلي الرباط ///
سعيد الناصري رئيس الوداد البيضاوي فورطة كبيرة مع الاماراتيين. ما عرفنا اش دار الصگع عاود ثاني. كلشي كيهدر على ماتش حبي بين الرجاء والوداد البيضاويين فالامارات العربية المتحدة. هاد الماتش تقال باللي وقع عليه رئيس الجامعة الملكية لكرة القدم فوزي لقجع. وفق مصدر ل”كود” فالرئيس وقع فقط مع الاتحاد الاماراتي لكرة القدم باش يطورو اللعبة بحال كيوقع مع عدد من الاتحادات.
بخصوص هاد الماتش قال مصدر “كود” “لقجع ينفي نفيا قاطعا انو وقع شي وثيقة” ثم اضاف “وغير ايلى بغاو يكذبو ويدخلوه فحروب كبيرة بحال الصراع القطري الاماراتي كانو يعرفو باللي ماتش حبي بين الوداد والراجا ما عندو دخل فيه. هاداك اختصاص حصري للناديين”
وفق مصدر “كود” فانه حتى جواد الزيات رئيس الرجاء البيضاوي متحفظ على هاد الماتش وبان ليه الدغل. وفق مصدر “كود” فانه لم يوقع لحد الان على الاتفاقية باش يتلعب الماتش فالامارات٬ اذ طلب وفق مصدر رجاوي ل”كود” “تكون بنود الاتفاقية واضحة مزيان ويدوز هاد الشي على المكتب باش يصادق عليه”. ودابا هاد الشي ما كاينش فالود اد. كيفاش كياخد هاد الناصري القرارات. قلناها من زمان راه غادي يشوه هاد النادي اللي ما عمر شي سياسي حلم يشدو حتى فعهد البصري حتى جات البام.
دابا الناصري خاصو يشرح اش وقع وكيفاش. حقاش القضية فيها صراع اماراتي قطري والمغرب ما عندو علاقة بهاد التخربيق ديالهم. هادا قرار الدولة المغربية. شكون كيخربق دابا
