اسماء غربي – كود//

حنا ف “گود” عاصرين مزيان على حرب الكلاشات لي بداها البيكَ وسالاها ديزي دروس.

واليوم رسميا “ميستر كازا فونيا” هو الرابح، علاش؟ حيت اليوم كمل 17 اليوم في الطوندونس المغربي بأكثر من 12 مليون مشاهدة، عوض توفيق حازب لي بقا شاد البلاصة الأولى لـ16 يوم.

الفرق لحد الساعة ماشي بزاف، غير نهار واحد، لكن الأيام مازال طويلة، وباقي ولد بين المدون شاد راس السوق، وضارب البلاصة الثالثة في فرنسا.

ومن بعد شهر على “170 كيلو” وصل البيكَ دابا ل 16 مليون مشاهدة.

في نظركم غادي يفوتو ديزي دروس فالمشاهدات؟