كود هناء ابو علي ////

فربعة شتنبر 2013 كان احمد رضى بنشمسي مؤسس “تيل كيل” و”نيشان” اللي تسدات طوى صفحة تجربة رائعة فالصحافة المغربية. فهاد التاريخ كان استقر فامريكا ناضت مجلة “لوتون” اللي مولاها رجل الاعمال عبد الهادي العلمي واللي كان كيسيرها رضى دليل. هاد المجلة بوقاحة وحقارة ومستوى طايح بزاف بزاف دارت ملف على احمد بنشمسي. دارت ملف سبات باه الطبيب وسبات امو.

ما غادينش نكونو “فكود” فمستوى تلك الوضاعة باش نقلو ليكم اش قال. راه المقال مازال كاين. ها الرابط ديالو بالفرنسية.

قبل ما يسب رضى دليل الاب والام سب بنشمسي. علاش كتقول اسمو واخا المقال ما موقعش. حقاش مكتوب باسلوبو اولا وحقاش كان هو المسؤول الاول والاخير على التحرير. كيقرا كلشي كيوافق على نشر كلشي.

سب المجلة سب افتتاحياتها اللي ما عمرو يقدر يكتبها. كان فخدمة جهة كينقل افكارها فمجلة. من حقو. ما يجيش اليوم يدير فيها محلل فاهم. ما يجيش اليوم يهدر على اللي كاين فالمغرب والاخطر من هادا كولو ما يجيش اليوم يخدم رئيس تحرير هاد المجلة.

كاينين صحافيين واخا قلال خدامين فتيل كيل دابا عاقلين على هاديك اللحظة. اكيد غاديين يحتاقروه باش يشوفوه.

حشومة تتلى بمجلة لهاد الدرجة وتجيب واحد لعب دور خبيث باش يضرب مصداقيتها واخا كان كيضرب غير مصداقيتو. “تيل كيل” تستاحق ناس احسن. راه عندها تاريخ.

ها رابط المقال اللي كولو سبان فعائلة بنشمسي. تصورو العائلة اللي ما عندها دخل فهاد الشي جبدها. تصورو شحال دافعات تيل كيل ولا نيشان وشحال حاربات الحريات الفردية. شحال حاربات هاد النوع من بنادم ودابا اليوم ولى رئيس تحرير كاع.

رابط المقال الحقير الدنيء ومسؤول الاول على التحرير فديك المجلة كان رضى دليل