اسماء غربي – كود//

المستخدمين ديال مواقع التواصل الاجتماعي طلقو حملة على الفيسبوك، كيطالبو بإغلاق كاع المحلات اللي كتمارس فيها الرقية الشرعية فالمغرب، والي رجعات تجارة كيستاغلو بيها المغاربة والمغربيات.

هاد الحملة الي بالهاشطاگ #اقفلوا_حوانيت_الرقية، بدات بعدما تفرگعات قضية الراقي ديال بركان اللي مان كيخدر ضحاياه وكينعس معاهم، وبعدما صرح مصطفى الخلفي، الناطق الرسمي باسم الحكومة بضرورة تقنين الرقية الشرعية والمساهمة بين وزارة الأوقاف وقطاعات حكومية أخرى.

الحملة الافتراضية، كطالب حتى بمحاسبة اي واحد متورط فاستغلال الرقية الشرعية باش يمارس الجنس.