برنامج “فرصة”.. عمور: 50 ألف حامل مشروع استفادوا من التكوينات وهاد البرنامج مكن بزاف ديال الشباب من تحويل الفكرة لمشروع
عمـر المزيـن – مكتب الرباط//
“لابيجي” ديال فاس محيحة بزايد على الزنازة اللي كيبيعو المخدرات والمؤثرات العقلية ودارت بزاف ديال العمليات والأغلب ديالها بتنسيق مع “الديستي” اللي كتقدم معلومات دقيقة. آخر عملية دارت يوم الخميس 29 نونبر الجاري، وبتنسيق مع الديستي عاود كتعلق بتوقيف واحد جوج ديال البزنازة، وشي حد فيهوم رُوشِرْشِي.
بلاغ ديال المديرية العامة للأمن الوطني كشف على أن التوقيف ديال هاد الشخصين اللّي عندهوم سوابق قضائية عديدة جرى بعدما رفضا الامتثال للبوليس ودارو كسيدة خايبة مني كانو بغاو يهربو، وتسببو فالإصابة ديال جوج أشخاص بجروح طفيفة.
العملية ديال التفتيش، حسب نفس المصدر، سلات بحجز مبلغ مالي و4930 قرص من مخدر الإكستازي، ودراجة نارية والطونبيل اللي استخدموها المتهمين فنقل هاد المخدرات واللّي تسبات فهاد الحادثة.