عمـر المزيـن – مكتب الرباط//

قبل النهاية ديال هاد العام ديال 2018. تستعد المديرية العامة للأمن الوطني، في غضون الأيام المقبلة، لإجراء واحد التغييرات كبيرة فصفوف موظفي الشرطة بمخلف الرتب. هادشي حسب مصادر “كود” كيدخل فالإطار ديال الاستراتيجية اللي دخلات فيها مديرية البوليس وكتهدف بالأساسس إلى ضخ دماء جديدة، وخلق حركية في مختلف المصالح.

ووفق ما كشفت عنه مصادر “كود”، فإن هاد التغييرات غادي تشمل عدد من المسؤولين اللي دوزو سنوات فالمنصب ديالهوم، وكاين اللي فيهوم كرايدية كبار . فحسب مصادرنا، فإنه كاين شي ولاة ديال البوليس غادي يقدرو يمشيو حقاش دوزو الوقت ديالهوم.

هاد الحركية اللي غادي تطلقها المديرية العامة غادي تشمل عدد من رؤساء المناطق الأمنية والاستعلامات العامة وحتى مصالح الشرطة القضائية، وفيهوم مسؤولين اللي كيزاولو المهام ديالهوم منذ مدة غير بالنيابة فقط. وأكدت مصادرنا أن هاد التغييرات غادي تعرفها عدد من المدن.