عمـر المزيـن – مكتب الرباط//

دعا محمد خيّي البرلماني المنتمي لحزب “فريق العدالة والتنمية” بمجلس النواب، مساء اليوم الإثنين، إلى إخراج المرسوم ديال “تسقيف المحروقات” وبالتالي معرفة البنية ديال الأسعار، متسائلاً أمام الوزير الداودي بالقول: “كيفاش البارح كتقول لم يمكن حديث عن عودة الكازوال المهني ودبا زميل ديالوك فالحكومة كيقول أنه كاين الحديث عن هاد الكازوال”.

من جهته، ردّ لحسن الداودي الوزير المكلف بالحكامة أن “البنية شيء وتسقيف شيء آخر”، مضيفا: “راه كنا قلنا خاصنا نمشيو للتسقيف وندخلو فالحوار على البنية اللّي فيها التخزين وحتى حد معارف الكلفة ديال التخزين وأنا خاصني دبا الحوار ولا شيء غيره”.

وعاد الوزير الدوادي ليؤكد خلال رده على سؤال ديال الفريق الاستقلالي حول الارتفاع ديال المحروقات، أن الفرق البرلمانية كانت كولها مع التحرير.

وزاد الداودي قائلاً: “انا خاصني نهضر على الهامش ماشي شي حاجة أخرى وراه خاصكوم تعرفو أن البترول نستورده وراه داير 85 دولار والهامش ديال الربح عندي وموضوع اللوبيات حنا حكومة غادي نضبطوه”.

وعن موضوع  الإضراب اللّي داروه المهنيين ديال الشحانات وما اعقبه من شلل تام فحركة الكاميونات وتسجيل خسائر خايبة، قال لحسن الداودي، أن “المغاربة كيعرفو مزياة أن الإضراب كاين وبأن الناس اللي دايرينوه راه من حقهوم”.

وقال الوزير الداودي أن “التسقيف ديال المحروقات بيديه وهو اللّي غادي يتحاسب فيه مع المغاربة”. وأضاف قائلاً: “هادي سلطة فيد الوزير من غدا وميكنش نضحك على المغاربة دبا ويلا تحركات الشركات المعنية حتى أنا غادي نتحرك وبلا متزايدو على هادشي ديال التسقيف”