كود كازا//

أشهر عبارة في الفايسبوك حاليا هي “راك غادي في الخسران آ حمادي”، كتلقاها في تدوينات ديال المعقول وديال النكير وديال الطنز حتى هو.

الجملة قديمة بزاف وقالها نور الدين بكر أيام كان “شباب”، ورجعات بقوة ورجع تسلط عليه ضو.

“گود” عيطات لبكر باش تاخد رأيو فهاد البوز لي داير، ولكن السيد مبغاش يدير أي تعليق، وقال لينا أن المغاربة حرين يعاودو يجبدو الأرشيف ديالو، وحاليا مشغول بأمور عائلية وشخصية بعيدا على فايسبوك.

من صوتو كيبان الممثل عيان ومعندو جهد باش يستغل ايجابيا هاد البوز لي نايض عليه، وفضل يبقى بعيد بلاما يكثر عليه الهضرة.