كود كازا //
البارح عاش درب عيطونة بحي الواد سيدي يوسف بن علي اليوم بمراكش ليلة كحلا. اذ اطلق بوليسي القرطاس على شاب عشريني وقتلو بعد ما كان هاز سيف كبير. سكان الحي صوروه ففيديوهات ودافعو عليه. الجريدة المراكشية الالكترونية “مراكش الان” قالت ان هاد الشاب هجم بسيف كبير على البوليس وهاد الشي اللي خلاهم يطلق 3 قرطاسات. كما تحدثت عن الشاب كان فحالة غير طبيعية.
وافادت ان جثته نقلت الى مستودع الاموات بباب دكالة بناء على تعلميات الوكيل العام باستئنافية مراكش.
من بعد ناضو السكان وغوتو. المصادر نفسها تحدثت عن مواجهات مع البوليس وعن اصابات فصفوفهم. ولكن رجعو الهدوء للحي بعد حالة الغليان
الصدف ان هاد الحي غادي يعرف اليوم تدشين للملك محمد السادس اللي كاين فمراكش. كلشي توجد وتقاد باش يكون اليوم.
الحي معروف بانه نقطة كحلا فالاجرام فالمدينة
