عمـر المزيـن –  الرباط//

المندوبية ديال التخطيط قالت فواحد المذكرة ديالها أن الرقم الاستدلالي للاثمان عند الاستهلاك ارتفع بـ0,3% بسبب الارتفاع ديال الرقم الاستدلالي للمواد غير الغذائية بـ0,5% والانخفاض ديال الرقم الاستدلالي للمواد الغذائية بـ0,2%.

المهم المندوبية أفادت على أنه كاين انخفاضات فالمواد الغدائية ما بين شهري غشت وشتنبر 2018 وهمات على الخصوص أثمان ديال “الخضر” بـ2,0% و”الحليب والجبن والبيض” بـ1,2% و”اللحوم” بـ1,1%.

الأثمان ديال “الفواكه” حتى هي ارتفعات بـ3,5% و”السمك وفواكه البحر” بـ0,3%. وفيما يخص المواد اللي ماشي غذائية، فإن الارتفاع هم على الخصوص أثمان “التعليم ” ب 3,4%.

أهم الارتفاعات كانت فالدار البيضاء بـ0,8% وفي فاس بـ0,7% وفمكناس بـ0,6% وفتطوان بـ0,5% وفأكادير والقنيطرة بـ0,4%. بينما سجلت انخفاضات فكل من الحسيمة بـ2,5% وآسفي بـ1,1% وكلميم بـ0,8% ووجدة بـ0,7% والداخلة بـ0,4%.