عمـر المزيـن – مكتب الرباط//
يبدو أن إعلان الأمانة العامة لحزب العدالة والتنيمة عن تقديم نبيل الشيخي لمنافسة حكيم بنشماش، الأمين العام لحزب الأصالة والمعاصرة، في سباق رئاسة مجلس المستشارين مغاديش دوز باردة عن بعض الأحزاب فالاغلبية اللي غادي تصوت على بنشماش.
وحسب زعيم حزب سياسي، لـ”كود”، فإن هاد الخطوة اللّي دارت العدالة والتنمية غير مفهومة. وأضاف قائلاً: “والله مابقينا فاهمين والو. كيفاش غادي يقدمو مرشح وعارفين راسهوم مغاديش يجيبو والو وغادي يخسرو فهاد الانتخابات”.
وبخصوص هاد التنافس واش غادي يضر الأغلبية، زاد الزعيم الحزبي، قائلاً: “بطبيعة الحال هادشي غادي يقدر يضر بالأغلبية وغادي يكون عن آثر سلبي وهادشي مكانش متوقع بشكل مطلق”.
وتابع قائلاً: “صحيح أن رئيس الحكومة فالاجتماع الأخير ديال الأأغلبية تحفظ على موقف حزبو من الترشح لسابق الغرفة الثانية واعلن على ان هاد الأمر غادي يكون بيج الأمانة العامة ديال حزبو لكن راه خاسر ومزال مفهمتش كيفاش كيفكر”.
وتوقع زعيم هاد الحزب السياسي باش يكوم شي تصعيد من قبل العدالة والتنمية اتجاه باقي الأحزاب المشكلة للأغلبية في حالة تصويتها على حكيم بنشماش. وهادشي باين هو لي غادي يوقع دبا.
السيناريو الوحيد اللي باين دبا حسب قيادي فحزب أغلبي آخر قال ل”كود” أن العدالة والتنمية باغية تحط الاحزاب ديال الاغلبية فأمر الواقع وتشوف واش غادي يصوتو عليها او لا ويلا كان العكس غادي دير التصعيد والتصدع غادي يكبر بزاف.
